四年前公民黨曾僥倖令余若薇凴第二席入選。今年佢地重施故技，結果三仗皆輸。睇番D選舉數據，港島區陳家洛多餘既票足夠踢走王國興，九龍西毛孟靜既票足夠踢走梁美芬，新界西郭家麒既票足夠踢走民建聯梁志祥。唔係針對公民黨，但佢地搶票真係搶得好嚴重。
當然我知公民黨都唔想。如果陳家洛同陳淑莊有得分拆名單，郭家麒同余若薇有得分拆名單，甘幾好。最弊佢地無得配票，又無得好似班保皇黨甘又恐嚇(1)，又利誘，又掌心雷(2)，又一車車甘送D老婆婆去投票仲唔包回程呢。
咪住先，真係無得配票？又唔係wor，我認識既大部分人都會跟民意調查行事，泛民邊個無票就投比邊個。講真，D泛民具體政綱係點其實無咩人理個bor，最緊要佢隸屬既政治力量係大是大非面前可以企得穩。所以講真，如果泛民自己開會，然後叫班支持者一D投XX，一D投YY，我諗D人肯個bor，最緊要係可以踢走果班乞人憎既梁美芬同謝偉俊咋嘛。
但係點解做唔到呢？因爲泛民自己既内部鬥爭，仲勁過同班保皇黨鬥lor。大佬呀，已經係少數喇，仲鬥？黃毓民成日讀歷史，無讀過六國論既咩？當時秦國地偏人少，都可以同你黎個遠交近攻，分而食之；而家你係同共產黨鬥呀！果個組織嚴密，資源無限既共產黨呀！好好一個反國民教育創造既機會，暴增5%既投票率，就係比你地係四分五裂之中嘥左喇。
每次諗到呢度，就覺得好灰，好想移民。講真，要硬拼的話香港真係無得拼。我地可以做既，就係撐住，撐住，撐到共產黨自己lum為止。撐幾耐？真係唔知架，頂得順就頂，頂唔順就走lor。
(1)有朋友親眼見證一個婆婆同佢講，個婆婆唔可以唔投民建聯架，佢唔投，佢個係大陸既仔就黎唔到香港架喇~~
(2)
沒有留言:
發佈留言
看完有什麽感想？歡迎分享！